المجتمع السعودي في عام 2010 الحقو لايفوتكم .. !!

سنوات عده مرت وانتهت علينا


ناس مرت عليهم مثل البرق وناس ياطول وقتها عليهم


في مننا اللي انجز شي بحياته وفيه منا اللي بدال مايتقدم خطوه يرجع عشر خطوات لورا


كلنا نذكر وش صار في يومنا الوطني وشلون احتفلنا فيه مشاء الله الكل حسدنا


بالنسبه لي حطيت بعض الاعذار للشباب وتمنيت ان بعد هالفوضى تتلبى مطالبهم
ويكون في شي يضفهم ( اقصد يحويهم )


وتتنمى مواهبهم واقل حق من حقوقهم نشيل فكره العوائل في كل مكآن
الله يستر لايكتبون بعد فتره على الكورنيش ولا الثمامه للعوائل فقط ..!


هل صعب علينا نحط ملعب لسيارات الفورملاء ونخلي شبابنا يطلعون
مهاراتهم وقدراتهم ولا دبي احسن منـآ ..


...


الا على طاري دبي مشاء الله عليهم احنا نخطط نسوي ميترو من عام
2000 الى الحين وهو قيد التطوير وهم جتهم الفكره بعدنـآ
والحين صاروآ يركبونه وكفايه انهم اول دوله عربيه انجزت هالمشروع
الضخم وسيطرت عليه بالكامل القياده الغربيه ..


يعني باقي الرياض مثل ماهي الـآ في تدهور اكثر واكثر اللي عنده
محاضره 8 لازم يطلع للجامعه من 6 ويحط جميع الاحتمالات من حادث
لاسمح الله او سياره متعطله او هوشه هذا لف علي وهذا ضرب لي بوري
او سواق دلخ مثل حالتي يعني ..!



خريص اه من خريص ولا طريق الملك عبدالله ولا الدائري والخافي اعظم
اللي صار له حادث ودق ع اللشرطه بيجونه في اقل من خمس دقايق
... تتوقعون اني صادقه ..!


مره سوينا حادث وانتظرنا الشرطه اكثر من ساعه بعدها تصالحنا وكلن راح بطريقه
ومدري عاد الشرطه جت ولا لا ..!!


....


مازالت فكره السينما مؤاجله مع اننا من الدول المتقدمه والناميه ومو صعب
علينا نحط مسرح وكذا كرسي وحاجز بالوسط او يسجل مثل حديقت الحيوان يعني يوم للشباب ويوم للنساء ويوم للعوائل ..


بس الى ييومي هذا افكر وش سبب هالتاخير .. ؟
تتوقعون اننا محتاجين جزء ثاني من فلم مناحي .. !!


....


لا ابشركم تقدمنـآ شوي ونقدر نقول تطورنا والاغرب ان الجميع موافق
ومافي احد رفض الفكره يمكن لانها تحمل اسم ملكنا وهو اللي فتحها
بنفسه ..


طبعـآ اتكلم عن مشروع بثول الجامعه المتطوره والمختلطه بجده.. !
سؤالي بعد هالجامعه المختلطه هل بنتطور في فكره الدكتوره والمحاميه السعوديه الي تدرس في مجال مختلط بعملها ..؟



قبل فتره راحت وحده من البنات لاحد المستشفيات عندها اصابه حرق فقالوآ لهآ
بابتسامه عريضه معليش اختي معطين الاولويه للمصابات في حادث
حريق الجـهرآ ..


مشاء الله دايم خيرنـآ لغيرنـآ الله يجزاهم خير بس ..




...
نسيت اقولكم قبل يومين ردوا علي الاتصالات من اول
دقيقه تتوقعون هالشي صدفه .. !


احمد الشقيري قارن بين اليابان والمجتمعات العربيه في برنامج
اعتقد انه الانجح على مستوى رمضان كامل ..


بعد هالبرنامج تتخيلون ان اللي بيلقى جوال ضايع بيرجعه لصاحبه ..!
ولا اللي بياكل في مكان عام بينظف المكان بعده ..
ولا كل شخص بيهتم في نفسه وبيبطل تليقف في خلق الله ..
ولا العرب بتتحرك وبتطور وبتخترع شي مثلآ يشغل المغفلين
عند الاشاره عن ... !! ممكن ليه لآ ..


الموضه مدري الى وين بتوصلنا سلمت على وحده من البنات الله
يستر عليها معي بالجامعه وريحتها دخان استغربت فلما فتحت شنطتها قدامي
لقيت بكت قلت هذا لك .. قالت ايه وش اسوي اتبع الموضه ..!!


ايو والله معاها حق هذي موضه لازم الكل يتبعها ولا بيخالفها
قو قو ..


تنبيه ( قو قو ) مصطلح بين البنات منتشر للي ماتهتم في نفسها او
ماتتبع الموضه في لبسها ومظهرها بشكل عام ..


عاد تدرون ان احنا مو فالحين الى نخترع مصطلحات هذا اللي نقدر عليه
يعني ( صاروخ - جرح – خقق – خونفشاري – سنايدي –ازرفها –تبطي عظم –روقنـآ )
هذا اللي الله قدرنا عليه مصطلحات ماله أي معنىآ طيب سؤالي وش استفدنـآ منهـآ ؟!..


....


صادفت طفل على الكورنيش بعد مانتهى من اكل البسكوت راح يدور
صندوق القمامه الين حصله وتخلص من الي معاه فيها بعده اخذت نفس
ووقلت تسلم اليد اللي ربتك والله ..


على طاري التربيه وصلتني قضيه ولد ضرب ابوه وقتل امه والسبب
طلب منهم فلوس عشان يشتري .. !
وطبعا رفضوآ وكانت هذي النهايه الحتميه لقصتهم مآتت على اليد
اللي حملت فيه 9 شهور وهي سبب انه عايش علىآ هالدنيـآ ..
شفتوآ ان الدنيا باقي فيها خير ..!



بنت تبتز شاب ..!
تخيوآ عاد هذي وحده من البنات تهدد شاب بصوره وانه تفضحه
وهالشاب من اسره محافظه جدآ ومتشدده نوعآ مآ وهي ذكيه مسكته
من اليد اللي تعوره .. والله خوش انقلبت الايه


تتوقعون وش عقابهآ التشهير ولا الجلـد ..!


..


الى على طاري القوانين ابشركم نُطق الحكم على مازن المجاهر بالمعصيه
وحكموآ عليه خمس سنوات والف جلده تتوقعون انه
كآفي عشان الكل ياخذ العضه والعبره ولا مظلوم ..!



اكثر سؤال ينرفز أي شخص كم عمرك وكم راتبك ..!
تتوقعون الملقوف اللي سال وش استفاد من الاجوبه ..؟



صدفه ومن بين كل الناس حبيتك < صدق قديمه وغبار
بس اللي يومكم اشوفها تنسمع هل كل الناس يحبون بالصدفه .؟


مايكل جاعيبون مات صدق ولا اشاعه ..!
طيب جنازته وين دفنوها فيه ..! ومن اللي اولى بالحضانه ..
وش كاتب في وصيته ..؟
مدري هو نبي ولا ملاك ..!
عمومـآ مهما يكن اقولها وبكل اسى فقدتك يامايكل ..!


محمد عبده يدندن الامآكن وفي بحته ندندن احنـآ دموع مدري جابها
على الجرح ولا فعلنـ كل منـآ موجوع ...!


تصدقون عاد ان بيرتني سبيرز حازت على لقب افضل ام في العالم
وهي داخله مصحه نفسيه ومتعالجه من الادمآن ..


اجل امهاتنـآ وش جوائزهم ..!



الا على طاري امُهاتنا شفتوا الي انا شفته في اتفه
موقعين مرت علي بحياتي ( النيوت لوق + الفيس بوك )
تتوقعون البنت اللي تصور تحت السياره ولا فوق الجدار ولاوهي
تسوق ولا وهي تستعرض وش تبي توصله بالضبط ..؟
هذي اللي بتكون ام ومربية اجيال ..
لا ومايقهرني الا ذا الشباب خقق وحلوه وننتظر جديدك ..
..
اقولكم خلوني اغير السالفه 180 درجه لاني لو كملت
ممكن انزل لمستواهم وانا اخلاقي ماتسمح لي ..


/
/


ابشركم
ابشركم
ابشركم الدراسه بتتآجل الين عيد الاضحىآ
جديد وحصري ..
خبر من مصددر موثوق ..!
اشآعه × اشاعه × اشاعه
( وتقولون ان احنا مو فالحين بشي )



الحق لايفوتكـ
قبل الحذف
فضيحه فلانه وفضيحه علآن
وللاسف ان اغلب اللي يحرصون على شوفة هالاشياء
هم اخواني العرب اللهم لاحسد


/


الا صح بسألكم ..!
تتوقعون ان قرار ايقاف اصحاب الكدش وطيحني في محله وقرار صائب
100% ولا هو تعدي للحريه الشخصيه ..؟


ولاهو فرد عضلات وتكرآر قرارات وفشل متواصل للحد من ظاهره
الانضباط العام ..!


تصدقون لو قلت لكم في يوم من الايام ان العادات القبليه اندثرت واختفت
وماعاد فيه فوارق بين الطبقات ولا قبيلي وخضيري ولا بدوي وحظري
قويه صح ماعلينـآ..!



انفلونزآ الخنازير واكتسحها لنا مع انه مافي بلدنا ولا خنزير تتوقعون وش السبب عآد ..!


الصيدليات خلص منها الجل المعقم والكمامات في كل شنطه ..!


وباقي نطالب كلنا بتآجيل الدراسه . !


والله اننا مجتمع نحب نسوي اكشن في حياتنا .. بباقي انفلونزآ البعارين
وبتصير بتصير صدقوني بتصير ! ..
.....


الموضوع هذا كتبته صدفه وهو وليد اللحظه فرجآء لاحد يدقق
كثير وعطوني علىآ قد موضوعي لاأكثر